بلوچستان کے ضلع ژوب میں بدھ کے روز علی الصبح جوائنٹ رسپانس فورس کے مرکز پر خود کش حملہ کیا گیا۔جبکہ اس موقع پر دہشت گردوں نے تین اطراف سے فائرنگ کرتے ہوئے حملہ کر دیا۔زرائع ابلاغ کے مطابق اس حملے کے نتیجے میں فرنٹیئر کور (ایف سی) کا ایک اہلکار شہید جبکہ 13 افراد زخمی ہوئے جب سیکیورٹی فورسز نے ژوب میں خودکش حملہ ناکام بنا دیا۔
معروف میڈیا ویب سائٹ ڈان ڈاٹ کام نے ژوب کے اسسٹنٹ کمشنر نوید عالم کے حوالے سے بتایا ہے کہ آج صبح 3 بج کر 40 منٹ پر ژوب کے سبکزئی کے علاقے میں جوائنٹ ریسپانس سینٹر پر حملہ کیا گیا۔
کمشنر نے کہا کہ مرکز پر "تین اطراف سے دہشت گردوں نے حملہ کیا، جب کہ ایک خودکش حملہ آور نے عمارت میں داخل ہونے کی کوشش کرتے ہوئے سیکورٹی فورسز کے ہاتھوں مار گرایا۔”
عالم نے بتایا کہ حملے کے وقت عمارت میں ایف سی کے 45 اہلکار، 10 لیویز اہلکار اور 5 فوجی موجود تھے۔جوابی فائرنگ کے دوران حوالدار شیر شہید ہو گیا،” انہوں نے کہا کہ 13 زخمیوں میں سے دو عام شہری تھے۔
عالم نے کہا کہ جوابی فائرنگ میں متعدد دہشت گرد زخمی بھی ہوئے جنہیں دہشت گرد اپنے ساتھ واپس لے گئے۔انہوں نے مزید کہا کہ سیکورٹی فورسز نے دن کی روشنی میں متاثرہ علاقے کا دورہ کیا اور شواہد اکٹھے کئے۔
واضح رہے کہ گزشتہ ماہ بھی ژوب ڈیرہ اسماعیل خان شاہراہ پر مسلح حملے میں بلوچستان انسداد دہشت گردی فورس (اے ٹی ایف) کا ایک اہلکار شہید اور تین زخمی ہو گئے تھے۔
پاک انسٹی ٹیوٹ فار پیس اسٹڈیز (PIPS) کی جانب سے شائع ہونے والی ماہانہ سیکیورٹی رپورٹ کے مطابق، ستمبر 2024 میں ملک بھر میں کل 45 دہشت گرد حملے ہوئے، جو اس سے پہلے کے مہینے کے مقابلے میں تقریباً 24 فیصد کمی ظاہر کرتا ہے۔
ان حملوں کے نتیجے میں 54 ہلاکتیں ہوئیں (29 سیکیورٹی اہلکار، 16 عام شہری اور نو عسکریت پسند)، جبکہ گزشتہ ماہ یہ تعداد 84 تھی، اور دیگر 117 افراد زخمی ہوئے۔
خیبرپختونخواہ کو سب سے زیادہ نقصان پہنچا کیونکہ صوبے بھر میں دہشت گردی کے 27 واقعات ہوئے، اس کے بعد بلوچستان میں 17 اور پنجاب میں ایک واقعہ ہوا۔
رپورٹ میں کہا گیا ہے کہ خیبرپختونخوا میں 27 دہشت گرد حملوں میں 35 افراد ہلاک اور 70 زخمی ہوئے۔
ان حملوں میں کالعدم تحریک طالبان پاکستان، گل بہادر گروپ، اسلامک اسٹیٹ-خراسان اور چند مقامی طالبان گروپ ملوث تھے۔
ستمبر 2024 میں سندھ کے کسی بھی حصے میں کوئی دہشت گردانہ حملہ ریکارڈ نہیں کیا گیا۔ تاہم پنجاب میں ایک حملے میں ایک پولیس اہلکار کے زخمی ہونے کی اطلاع ہے۔جبکہ افغانستان کے ساتھ پاکستان کی سرحد کے پار سے کل پانچ حملے ریکارڈ کیے گئے۔