چیف جسٹس قاضی فائز عیسیٰ نے مدت ملازمت میں توسیع لینے سے صاف انکار کرتے ہوئے وزیراعظم کے مشیر برائے سیاسی امور رانا ثناءاللہ کے دعوے کی بھی نفی کردی۔
مقامی زرائع ابلاغ کے مطابق سوموار کے روز نئے عدالتی سال کے آغاز کی تقریب موقع پر میڈیا نمائندگان سے غیر رسمی گفتگو کی۔ اس دوران صحافی نے چیف جسٹس سے پوچھا کہ ’رانا ثناء اللہ صاحب کہہ رہے ہیں اگر تمام جج صاحبان کی عمر بڑھا دی جائے تو آپ بھی ایکسٹینشن لینے پر متفق ہیں؟‘، قاضی فائز عیسیٰ نے اس کے جواب میں کہا کہ ’نہیں میری تو رانا ثنااللہ سے کوئی ملاقات نہیں ہوئی اور نہ ہی بات کی ہے، اس حوالے سے آپ رانا ثنااللہ سے پوچھیے یا رانا ثناء اللہ کو میرے سامنے لے آئیں‘۔
مزید تفصیل بیان کرتے ہوئے انہوں نے بتایا کہ ’ایک اجلاس ہوا تھا جس میں اعظم نذیر تارڑ، جسٹس منصور علی شاہ اور اٹارنی جنرل موجود تھے، اس اجلاس میں رانا ثناء اللہ موجود نہیں تھے، ہمیں بتایا گیا تمام چیف جسٹسز کی مدت ملازمت میں توسیع کر رہے ہیں، جس پر میں نے کہا کہ باقیوں کی کر دیں میں اپنے لیے قبول نہیں کروں گا۔