وفاقی تحقیقاتی ادارے ایف آئی اے کے سائبر کرائم سرکل راولپنڈی نے چھاپہ مار کاروائی میں آن لائن فراڈ میں ملوث منظم گروہ کے 2 ارکان کو منکل کے روز گرفتار کر لیا۔
کاروائی کے لیے جاری پنجاب کے شہر حافظ آباد میں واقع رائل گیسٹ ہاؤس پر چھاپہ مارا گیا۔چھاپہ مار کاروائی میں منظم گروہ کے2 ملزمان گرفتار
ترجمان ایف آئی اے کے مطابق ملزمان کی شناخت نعمان علی اور مبشر علی کے نام سے ہوئی ہے۔ابتدائی تفتیش کے مطابق گرفتارملزمان کا تعلق ایک منظم گروہ سے ہے جو سادہ لوح شہریوں کو آن لائن فراڈ کے ذریعے لوٹنے میں ملوث ہیں۔
ملزمان خود کو بینک اور حساس اداروں کے اہلکار ظاہر کر کے شہریوں کو کال کرتے تھے۔ملزمان شہریوں کے اکاونٹ کی خفیہمعلومات سے بینک اکاونٹ تک رسائی حاصل کر لیتے تھے اور رقوم ٹرانسفر کرتے تھے۔
مذکورہ ملزمان رقوم کو مختلف بینک اکاونٹس میں وصول کرتے تھے۔ملزمان گروہ ساتھیوں کے ساتھ بینک اکاونٹس کمیشن کی بنیادوں پر استعمال کر رہے تھے۔ چھاپہ مار کاروائی میں ملزمان سے مختلف بینک اکاؤنٹ کے چیکس برآمد ہوئے ہیں۔
ملزمان سے رجسٹرز اور موبائل فونز بھی برآمد ہوئے جن میں مالیاتی فراڈ کے شواہد موجود تھے۔گروہ کے دیگر اراکین کے خلافچھاپہ مار کاروائیاں جاری ہیں۔ملزمان کو گرفتار کر کے تفتیش کا آغاز کر دیا گیا ہے۔